الجزيرې خبري شبکې راپور ورکړی، چې د سويډن پلازمېنه استکهلم پرون د صهیونیستي رژیم د هغې پرېکړې پر ضد د پراخو لاريونونو شاهده وه، چې غواړي په غزه کې نسل وژنه نوره هم پراخه کړي.
سرچينه وايي، سلګونه کسانو د استکهلم په اودنپلان سیمه کې راټول شوي وو او د غزې د خلکو په دفاع او د اسرائيلو پر ضد یې غږونه پورته کول.
د لاريونوالو په هغو بورډونو چې له ځانه سره یې لېږدول لیکل شوي وو «صهیونیستي اسرائیلو! له فلسطینه ووځئ» او «نسلوژنې ته نه!».
د معلوماتو له مخې لاريون کوونکي د سویډن د بهرنیو چارو وزارت ودانۍ ته نژدې تللي وو او هلته یې د فلسطین د آزادۍ او د غزې په اړه د امریکا د ولسمشر ډونالډ ټرمپ د پالیسیو پر ضد شعارونه ورکول.
د لاريون له منځه يوه لاريون کوونکي رسنيو ته ويلي: «موږ د هغو قربانیانو لپاره مبارزه کوو، چې په غزه کې د اسرائیلو له خوا د نسلوژنې ښکار شوي دي».