کابل کې د شنو صنایعو اړوند صنعتي فابریکو مسئولینو د افغانستان برېښنا شرکت عمومي اجرائیوي رئیس ډاکټر عبدالباري عمر سره کتلي او د برېښنا اړوند وړاندیزونه یې ورسره شریک کړي دي.
د برېښنا شرکت له خوا په خپره شوې خبرپاڼه کې راغلي، چې په دې کتنه کې ښاغلي عمر د یادو صنعتي کارخونو مسؤلینو ته ډاډ ورکړی چې، صنعتي کارخونو ته د ډاډمنې برېښنا وېش د افغانستان برېښنا شرکت په مهم لومړیتوب کې دی.
د خبرپاڼې له مخې، د شنو صنایعو اړوند صنعتي فابریکو مسؤلینو د افغانستان برېښنا شرکت له رهبرۍ څخه د دوی ستونزو ته د پاملرنې په پار مننه کړې او له یاد شرکت سره یې د خپلې دوامدارې همکارۍ ډاډ ورکړی دی.