د مصر مشهور ليکوال ډاکټر طارق عبدالحليم د پاکستان له لوري د افغانستان هوايي حريم نقض او په ملکي وګړو بمبارد ته په غبرګون په خپله اېکس پاڼه ليکلي، چې پاکستان اسلامي نه، بلکې یو مرتد، «کافر» او سیکولر هېواد دی.
هغه همدا راز د پاکستان د بمبارد موخه د ټرمپ خوشحالول ياد کړي او ليکلي یې دي، «د پاکستان مرتد او غلام حکومت بې دليله کابل بمبار کړی، څو ټرمپ خوشحاله کړي.»
ياده دې وي، چې د پاکستان له لوري د افغانستان هوايي حريم د نقض په غچ اخيستو کې بېګا شپه افغان ځواکونو د دفاع وزارت په رهبرۍ د ډيورنډ فرضي کرښې په اوږدو کې په پاکستاني لوري پراخه جګړه وکړه او درنه مرګژوبله یې ورواړوله.