د هندوکش غږ د سرچينو د معلوماتو له مخې پخوانی جنګسالار، د جمعيت د انشعابي څانګې مشر او د تش په نوم مقاومت شوری مشر عطاء محمد نور د مقاومت جبهې د غړي او خطرناک جنايي مجرم حسيب قوای مرکز په مړينه د سخت خفګان په ښودلو سره ويلي دي چې هغه د ده له نږدې ملګرو څخه و، نوموړی وايي چې ده به د حسيب له مرګ وړاندې خلکو ته د حسيب عکسونه ښودل او ورته ويل به مې چې وګورئ؛ زه داسې يو ملګری هم لرم.
د هندوکش غږ د دقيقو معلوماتو له مخې، د جمهوریت پر مهال چې کله حسيب قوای مرکز په کابل ښار په ځانګړي ډول په قوای مرکز سيمه کې غلا، اختطافونه او باجګيري کوله؛ د عطامحمد نور له قوي حمايت برخمن و، او هميشه به يو له بل سره په تماس کې وو.
د عطا محمد نور (چې په بې شرمه جنګسالار یادېږي) دا څرګندونې ثابتوي چې د جمهوریت پر مهال د کابل ښاریانو د سلب شوي امنیت، اختطافونو، مسلحانه غلاوو او باجګيريو تر شا د دغسې جنګسالارانو او ټوپکوالو مجرمینو سیاسي او غښتلی ملاتړ و او د حسيب قوای مرکز غوندې بانډونه به پکې د خپلو شومو موخو لپاره استفاده کېدل.