د فراه ولایت د کلیو بیارغونې او پراختیا ریاست له لوري د دغه ولایت په پرچمن ولسوالۍ کې د څه باندې ٢٢ میلیونه افغانیو په لګښت د پراختیايي پروژو چارې پیل شوې.
د کلیو بیارغونې او پراختیا وزارت وایي، په دغو پروژو کې د کلیوالي سړکونو، استنادي دیوالونو او پلچکونو جوړول شامل دي.
وزارت ویلي، چې د یادو پروژو د کار په جریان کې به لسګونه تنه کاریګرو ته د کار زمینه برابره او په اړونده برخو کې د یادې ولسوالۍ د اوسیدونکو ستونزې هوارې شي.