د افغانستان اسلامي امارت او د امریکا متحده ایالتونو ترمنځ د اوږدو او ګټورو مذاکراتو په پایله کې د خان محمد په نوم یو تن افغان مجاهد چې د امریکا په زندانونو کې بندي و، له امریکایي اتباعو سره په تبادله کې له بنده ازاد او هیواد ته راولېږدول شو.
خان محمد چې د امریکایي محکمو له لوري د عمري بند سزا ورته اورول شوې وه او په کالیفورنیا ایالت کې يې د بند موده تېروله، نږدې دوې لسیزې وړاندې په ننګرهار کې نېول شوی و.
اسلامي امارت د امریکا متحده ايالتونو هغو اقداماتو ته په مثبت نظر ګوري او پر رغنده او مثبت تعامل ټینګار کوي.