د عامې روغتیا وزیر، مولوي نور جلال جلالي سعودي عربستان ته سفر په ترڅ کې د دغه هېواد د عامې روغتیا له وزیر فهد عبدالرحمن الجلاجل سره کتلي.
د یاد وزارت ویاند ډاکټر شرافت زمان وایي، دې لیدنه کې د ساري او غیر ساري ناروغیو پر وقایوي تدابیرو، د نشهیي توکو له استفادې څخه د مخنیوي او د روغتیا برخه کې لا ښې همکارۍ بحث او خبرې ترسره شوې.
د عامې روغتیا وزیر ویلي، چې د افغانستان د عامې روغتیا وزارت ژمن دی، چې د ګډو پروګرامونو له لارې د ناروغیو مخنیوي او روغتیایي حالت ښه والي ته وده ورکړي.
له بل لوري د سعودي عربستان د عامې روغتیا وزیر د افغانستان د عامې روغتیا وزارت له هڅو څخه مننه وکړه او د پولیو له منځه وړلو، نشه یي توکو مخنیوي او د روغتیايي بنسټونو د تقویې برخه کې یې د دوامدارې همکارۍ ډاډ ورکړ.