الأنباء اللیبیة د لیبیا رسمي خبري اژانس راپور ورکړی، چې د خلیفه حفتر تر ادارې لاندې د لیبیا پوځي استخباراتو رییس جنرال فوزي المنصوري بنغازي ښار کې د یوې بمي چاودنې له امله وژل شوی دی.
سرچينې ويلي ورته مهال، د یاد هېواد په الزاویه ښار کې د تېلو پر تصفیه خونه درې پرلپسې ډرون بریدونه شوي او درانه مالي زیانونه یې اړولي دي.
د لیبیا ولسمشرۍ شورا د دغو پېښو له امله بېړنی حالت اعلان کړی او پر وسله والو ډلو یې غږ کړی چې زغم وښيي او د ولسي شتمنیو ساتنه وکړي.
همداراز، د لیبیا مرکزي بانک رییس ناجي عیسی له خپلې دندې استعفا ورکړې او د خپلې استعفا لامل یې د هېواد ترینګلي اقتصادي وضعیت ته د حکومت نه پاملرنه بللې ده.