په مالیزیا کې د افغانستان سفارت په یوه خبرپاڼه کې ویلي، د یاد سفارت سرپرست نقیبالله احمدي د عراق له سفیر عدنان مهلهل آل معجون سره لیدلي او د دواړو هېوادونو ترمنځ د اړیکو او همکاریو پر پراختیا یې خبرې کړې دي.
په دې لیدنه کې د افغانستان او عراق پر تاریخي اړیکو، شته فرصتونو او په بېلابېلو برخو کې د دوهاړخیزو همکاریو پر پراختیا بحث شوی دی.
دواړو لورو د کابل او بغداد ترمنځ د اړیکو پر پیاوړتیا ټینګار کړی دی.


