د افغان حکومت رئیس الوزراء، ملا محمد حسن اخوند د مالیزیا له لومړي وزیر داتو محمد انور ابراهیم سره د ټیلیفون له لارې پر سیمهییز وضعیت او په ځانګړي ډول د پاکستان لخوا پر افغانستان د نظامي تیري په اړه تفصیلي خبرې کړې دي.
د ا.ا مرکزي ویاند مولوي ذبیح الله مجاهد وایي، ښاغلي اخند ویلي، چې د زور کارول او د ملکي وګړو په نښه کول ستونزي نه شي حل کولای.
نوموړي زیاته کړې، چې د افغان حکومت اصولي موقف واضح دی چې د تفاهم او مذاکراتو له لارې د مشکلاتو په حل باور لري، خو د تیري په صورت کې له خپلې خاورې او اولس څخه دفاع خپل مشروع حق بولي.
ورته مهال د مالیزیا لومړي وزیر د خبرو له لارې د افغانستان او پاکستان تر منځ د وروستي کړکېچ پر حل ټینګار کړی او ویلي یې دي چې هېواد یې هڅه کوي چې له دواړو لوریو سره په تفاهم په دې برخه کې خپل عملي رول ولوبوي.