په ملګرو ملتونو کې د چین دایمي استازولۍ مرستیال سونلي ویلي، ټول لوري باید له افغانستان سره تعامل او خبرې اترې پیاوړې، د دغو خبرو لاستهراوړنو ته درناوی او له زغم او ښه نیت څخه کار واخلي.
نوموړي د ملګرو ملتونو د امنیت شورا په غونډه کې د افغانستان د کنګل شویو شتمنیو د ازادولو، د یو اړخیزو بندیزونو د لرې کولو او د بشري مرستو د بیا پیل غوښتنه کړې ده.
سونلي ویلي، افغانستان په وروستیو پنځو کلونو کې د اقتصادي بیارغونې، له نشهیي توکو سره د مبارزې او بهرنیو اړیکو په برخو کې پرمختګ کړی، خو لا هم په ځینو برخو کې له ننګونو سره مخ دی.