د بهرنیو چارو سرپرست وزیر مولوي امیرخان متقي استانبول کې د اسلامي همکاریو سازمان د بهرنیو چارو وزیرانو د ۵۱مې ناستې څنډه کې د پاکستان لومړي وزیر مرستیال او بهرنیو چارو وزیر محمد اسحاق ډار سره کتلي.
د بهرنیو چارو وزارت د عامه اړیکو رئیس حافظ ضیاء احمد تکل په یوه خبرپاڼه کې ویلي، چې په دې کتنه کې دواړو لوريو پر دوه اړخيزو اړيکو، سيمه ييزو پروژو او دوه اړخيز تجارت او ټرانزيټ خبرې وکړې.
دې کتنه کې ښاغلي متقي د دواړو هېوادونو ترمنځ د ډيپلوماټیکو اړیکو کچې له لوړېدو سره هيله ښودلې، چې دوه اړخیزو اړیکو کې عملي همکارۍ لا پراخې شي.
د پاکستان بهرنیو چارو وزیر د افغان ټرانس پراختیایي پروژې په څېر سترو پروژو کې عملي پرمختګونو باندې د دواړو هېوادونو پر رول ټینګار کړی.
همداراز دې کتنه کې د افغانستان، پاکستان او چين بهرنيو چارو وزيرانو د ډيالوگ پر راتلونکې ناستې، چې ټاکل شوې کابل کې ترسره شي هم خبرې شوې دي.
