هندوکشغږ ته سرچینو ویلي، چې ننګرهار ولایت په چپرهار ولسوالۍ کې د امنیې قوماندانۍ د قراول قوماندان د خپل ورور له لوري په ډزو وژل شوی او قاتل نیول شوی دی.
پېښه تېره ورځ مازدیګر شاوخوا پنځه بجې د چپرهار ولسوالۍ د هاشهخېلو کلي کې شوې ده.
د سرچینې په وینا، د چپرهار ولسوالۍ د امنیې قوماندانۍ د قراول قوماندان، مسافر د سیدآغا زوی، د خپل ورور اقبال له لوري د توفنګچې په ډزو وژل شوی دی.
سرچینې زیاته کړې، د پېښې په تړاو تورن کس نیول شوی او لومړني معلومات ښيي چې نوموړی له عصبي ناروغۍ سره مخ و. د پېښې د انګېزې او نورو جزییاتو په اړه یې څېړنې روانې دي.