د هلمند د چاپېریال ساتنې اداره وايي، د دې ادارې د طبیعي میراثو ساتنې مدیریت له لوري په مرکز لښکرگاه کې پینځه تنه د ځنگل بوټو د پرېکولو په تور نیول شوي دي.
له یادې ادارې څخه په خپره شوې خبرپاڼه کې ویل شوي، یاد کسان یې د اوومې امنیتي حوزې اړوند شرقي لښکري بازار سیمه کې نیولي، چې د ارغنداب سیند پر غاړه یې د غزهٔ بوټي وهل.
د خبرپاڼې له مخې، نیول شوو کسانو گڼ شمېر بوټي پرې کړي وو؛ خو د چاپېریال ساتنې ادارې د کارکوونکو له لوري یې مخه ژر ونیول شوه او د نورو بوټو د پرې کولو موکه ورنه کړل شوه.: «د چاپېریال ساتنې او کرنې ریاستونو مسوولین هڅه کوي، چې د طبیعي بوټو پرېکولو مخه ونیسي او پرې کوونکي یې د قانون منگولو ته وسپاري.»
د ځنگلونو او نورو طبیعي سیمو د ساتنې لپاره اوسمهال ځانگړې قطعه جوړه شوې او د یادې قطعې دنده دا ده چې د هېواد د ټولو ځنگلونو ساتنه وکړي.