امریکا ولسمشرۍ ماڼۍ وایي چې، د دغه هېواد ولسمشر ډونالډ ټرمپ به د شنبې له ورځې د مکسیکو پر توکو ۲۵ سلنه، د کاناډا پر توکو هم ۲۵ سلنه او پر چینايي توکو ۱۰ سلنه تعرفې ولګوي.
که څه هم ټرمپ ویلي چې، د کاناډا پر تېلو به د اوس لپاره تعرفه لس سلنه وي خو خبرداری یې ورکړی چې دا به هم د فبروري میاشتې تر نیمایي لوړه شي.
ټرمپ دغه راز ویلي، په راتلونکي کې به د اروپايي ټولنې د هېوادونو پر توکو هم تعرفې لګول کېږي، ځکه په وینا یې دې بلاک له امریکا سره ښه چلند نه دی کړی.
د سپینې ماڼۍ ویاندې کارولین لیویت ویلي چې، پر کاناډا او مکسیکو له دې امله تعرفې لګول شوې، چې «دوی زموږ په هېواد کې د (مخدره دارو) منتانیل راوړلو او وېش ته اجازه ورکړې، چې له کبله یې لسګونه میلیونه امریکایان وژل شوي دي.»