له پښتونخوا څخه ځايي سرچينې هندوکش غږ ته وايي پاکستاني طالبانو پرون ماسپښین، د باجوړ ولسوالۍ د لوی ماموند په امانتا سیمه کې د يوه هدفي برید پر مټ پاکستاني استخباراتو ته جاسوسي کوونکی يو تن هلاک کړی دی.
سرچينه زياتوي چې ياد کس له پاکستاني ځواکونو سره په پوځي عملیاتو کې همکاري کړې وه او د ځینو افرادو په نیولو کې یې هم رول لوبولی دی.
د يادونې وړ ده چې پاکستاني طالبانو په دې وروستيو کې ګڼ شمېر جاسوسان چې له پاکستاني استخباراتو سره همکاري کوله محکمه او هلاک کړل.