د هندوکشغږ ځایي سرچینې وایي، پاکستاني طالبانو د خپلې محکمې د پرېکړې لهمخې د منظور ولد حسن په نوم د پاکستاني پوځ یو جاسوس وژلی دی.
د سرچینې د معلوماتو لهمخې، یاد جاسوس د جنوبي پنجاب د خانيوال ولسوالۍ اوسېدونکی، چې تازه د پاکستاني طالبانو غورځنګ د محکمې د پرېکړې لهمخې په دېره غازي خان ولسوالۍ کې وژل شوی دی.
سرچینه زیاتوي، وژل شوی جاسوس د پاکستاني طالبانو پر وړاندې په ګڼو عملیاتو او د جاسوسۍ په فعاليتونو کې ښکېل و.
د یادونې ده، چې پاکستاني طالبان دا مهال په جنوبي پنجاب کې پیاوړی پوځي حضور لري او وخت نا وخت پر پاکستاني ځواکونو مرګوني بریدونه هم ترسره کوي.