له خوست څخه د هندوکش غږ سرچينې وايي، چې د پاکستان ډرون الوتکو نن شپه شاوخوا ۱۱ بجې دغه ولايت کې د ډيورنډ فرضي کرښې ته څېرمه سپلګين سفره کلي کې د قومي مشر حاجي محمد نعیم کور بمبارد کړی او ۲ ماشومان یې شهیدان کړي دي.
پاکستاني ډرون پر خوست سربېره د ننګرهار ولایت په غني خېلو ولسوالۍ کې هم د عامو خلکو کورونه بمبارد کړي چې د ماشومانو او ښځو په ګډون ملکي وګړو ته مرګژوبله اوښتې ده.
ياده دې وي، چې پاکستاني رژيم تر دې وړاندې هم د افغانستان په ځينو سيمو د پاکستاني طالبانو د نښه کولو په پلمه د عامو خلکو کورونه بمبارد کړي او مرګژوبله یې اړولې.