د پاکستان د احصایې ادارې د معلوماتو له مخې، د روان کال په مې میاشت کې د توکو بیې ۱۱.۷ سلنې ته رسېدلې، چې د ۲۰۲۴ کال له جون وروسته تر ټولو لوړه کچه بلل کېږي.
اقتصادي کارپوهان وایي، په منځني ختیځ کې د ترینګلتیاوو او د تېلو د نړۍوالو بیو د لوړېدو له امله په پاکستان کې د پټرولو، ډیزلو او نورو اساسي توکو بیې زیاتې شوې دي.
د راپورونو له مخې، د اوړو، غوښې، شیدو، وریجو او نورو خوراکي توکو په بیو کې هم د پام وړ لوړوالی راغلی دی.