د فلسطین روغتیا وزارت خبر ورکړی چې، په تېرو ۲۴ ساعتونو کې پر غزې تړانګې د صهیونیستي اسرائیلو د پرلهپسې بریدونو له امله ۶۰ فلسطینیان شهیدان او ۲۲۸ نور ټپیان شوي دي.
د خبر له مخې، د مارچ له ۱۸مې نېټې راهیسې چې یاد رژیم پر غزې بیا ځلي بریدونه پیل کړي، څلور زره او ۱۱۷ تنه فلسطینیان شهیدان شوي او ۱۲زره او ۱۳تنه نور ټپیان شوي دي.
سرچینې زیاته کړې چې، له دې سره د ۲۰۲۳ کال د اکتوبر میاشتې راهیسې په ټولیز ډول غزه کې د شهیدانو شمېر ۵۴زره ۳۸۱ تنو ته او د ټپیانو شمېر ۱۲۴زره او ۲۴ ته رسېږي.
په خبر کې ویل شوي، چې لا هم د زرګونه شهیدانو جسدونه تر ویجاړیو لاندې بند پاتي دي، چې د وسایلو د نشتوالي له امله ورته د هیڅ راز لاسرسي شونتیا نهشته.