نړیوالو رسنیو راپور ورکړی، چې پر غزې تړانګې د صهیونیستي رژیم تازه بریدونو له امله ۲۲ فلسطینیان شهیدان شوي او ۳۰ نور ټپیان دي.
په راپور کې راغلي، چې د شهیدانو او ټپیانو ډېره برخه ښځې او ماشومان دي.
د فلسطین روغتیا وزارت له خوا د خپرو شویو معلوماتو له مخې، له اوربند وروسته بیا پیل شویو بریدونو کې تر دې دمه څه باندې ۳۵۰ تنه فلسطینیان شهیدان شوي او تر ۸۰۰ زیات ژوبل دي.
حماس اسلامي غورځنګ پر غزې د صهیونیستي رژیم بریدونه غندلي او له منځګړو یې غوښتي، چې یاد رژیم د اوربند تړون بشپړ منلو ته اړ کړي.
د حماس د رهبرۍ شوری یوه غړي الجزیرې سره مرکه کې ویلي، چې د اسرائیلو صهیونیستي رژیم د اوربند تړون د لمنځه وړلو هڅه کوي.