شېر کړئ Facebook Twitter بریښنالیک Telegram WhatsApp د پېښو پر وړاندې د چمتووالي ملي اداره په يوه خبرپاڼه کې وايي، چې د دې ادارې لوی رئيس ملا نورالدین ترابي او د عدالت او مدني ټولنې د پياوړتيا مؤسسې استازي د څلور سوه نهه اتیا زره او درې سوه او دوه دېرش (۴۸۹،۳۳۲) ډالرو په ارزښت پنجشېر ولايت کې اړمنو او زيانمنو خلکو ته د مرستو رسولو هوکړه لاسليک کړه. سرچينه وايي، د يادې هوکړې له مخې به د پنجشیر ولایت په دره، خنج ولسوالیو او مرکز بازارک ښار کې ۲۲۱۶ اړمنو، زیانمنو شویو او بې سرپرسته کورنیو ته په څلورو پړاوونو کې د څلورو میاشتو په اوږدو کې هرې کورنۍ ته د خوراکي توکو د برابرولو په موخه ۱۶۶،۹۲ ډالر ووېشل شي.د يادې ادارې خبرپاڼه کې همدا راز راغلي چې ښاغلي ترابي، د یادې مؤسسې په استازي ټينګار کړی، چې خپله تطبیق کیدونکې پروژه باید په پوره شفافیت او چټکتیا سره ترسره کړي.
د ملګرو ملتونو د سر منشي مرستیاله: د امریکا د مرستو کمېدل افغانستان کې د دوی پر چارو اغېز نهلري28 جنوري 2026
