اېنبيسي نيوز رسنۍ راپور ورکړی، چې له مصر څخه د غزې تړانګې پر لور په مرستو بار لاریو حرکت پیل کړی چې پکې غذایي توکي او د بنسټیزو جوړښتونو د بیا رغونې مواد شامل دي.
سرچينې همدا راز ليکلي، چې په ورته وخت کې، اسرائيلي رژيم ويلي په دې وروستيو کې يې په غزه کې له هوا څخه بشري مرستې غورځولې دي.
اسرائيلي رژيم وروسته له هغه دا ګام پورته کوي چې په غزه کې د لوږې زياتېدونکي کړکېچ له کبله په نړيواله کچه له سختو نيوکو، فشارونو او ګواښونو سره مخ شول.
پر غزې د اسرائيلي رژيم د سختې کلابندۍ، جګړې او قحطۍ له امله تر دې دمه څه باندې ۱۲۰ کسان چې ډېره برخه یې ماشومان دي مړه شوي.