د پوهنې وزارت سرپرست مولوي حبیب الله اغا او د یو شمېر نورو چارواکو له لوري د پکتیکا د مرکز په ګډون په څوارلسو ولسوالیو کې ۱۵ ښوونځيو ته نوې ودانۍ جوړې او ګټې اخیستنې ته سپارل شوې دي.
د معلوماتو لهمخې، دغه ودانۍ د ۱۹۲میلیونه افغانیو په لګښت د جاپان هېواد په مالي ملاتړ جوړې شوې دي.
ویل شوي، چې هره ودانۍ ۶ درسي خونې، یوه اداري خونه، تشنابونه، د پاکو اوبو سېستم، پنځه کیلو واټه لمریزه برېښنا، احاطه او نورې اړینې اسانتیاوې لري.