وال سټریټ ژورنال راپور ورکړی، چې کیوبا د امریکا د اقتصادي بندیزونو له امله د اقتصادي پاشل کېدو درشل ته رسېدلې او په دغه هېواد کې ولسي اعتراضونه مخ په زیاتېدو دي.
د وال سټریټ ژورنال د راپور له مخې، د اقتصادي بحران له امله په کیوبا کې د خلکو د ژوند وضعیت خراب شوی او نارضایتي زیاته شوې ده.
راپور زیاتوي چې د ولسي ناکراریو او اعتراضونو کچه هم لوړه شوې، خو د کیوبا کمونیست حکومت داسې پیاوړی متحد نه لري، چې د روان بحران پر مهال ورسره د پام وړ مرسته وکړي.
د راپور په وینا، د اقتصادي فشارونو دوام ښايي کیوبا له لا سختو اقتصادي او ټولنیزو ستونزو سره مخ کړي.