ليکوال: عبدالرحيم ترین
په يوويشتمې پېړۍ کې د نړۍ ټول واړه او غټ، قوي او کمزوري هيوادونه او مشران یې لګيا دي، چې په سیمیزه او نړيواله کچه هم په کور دننه او بهرني هيوادونه مصروف او په مشکلاتو اخته کړي، ترڅو يې په پايله کې واک چلولو ته لاره پرانیزي او په آساني سره دوی پرې حکومت وکړي.
د دې یو ښه ثبوت همدا اوس غربي نړۍ او په ځانګړې توګه امريکا ده، امريکا په نړيواله کچه هیوادونه سره اخته کړي ترڅو د هغوی له ټکرونو دوی ته د مداخلې فرصت پیدا شي او بيا یې په پايله کې دوی ترې هر ډول غوښتنې او سياست ومني، چې يوازې په نوم به خپلواک خو په اصل کې د امريکا غلامان وي.
دا ډول سياست ته فرعوني سياست ويل کيږي، چې د اختلافاتو په رامنځته کولو کې خپل واک ته لاره هوارولو کې سياست عملي کيږي.
بل خوا شرعي سیاست ده، چې ټول کړه وړه یې د اسلامي شريعت په اساس وي، د دې سياست تقاضا دا ده، چې سياست به يوازې د رب د بنده لخوا په نورو بنده ګانو د الهي حکمونو په اساس پلی کيږي او دا هرڅه به دې شريعت په چوکاټ کې وي.
شريعت د اتحاد او ورورولۍ غوښتنه کوي او په مسلمانانو سیاست کوونکي به، خپل ځان څخه د شخصي يا فردي غوښتنې په اساس نه عملي کوي، بلکې هرڅه به یې د رب الهي جوړ شوي چوکاټ کې تلل او بيا به یې د رب په ځمکه د هغه په بنده ګانو عملي کوي.
په يوويشتمې پېړۍ کې د وخت اميرالمؤمنين حفظه الله کندهار کې د لوی اختر په مناسبت وینا ترسره کوله، هغه د څه باندې شل دقيقې وينا په لړ کې په فرعوني او شرعي سیاست رڼا واچوله او د راتلونکي لپاره يې د نړيوال مصنوعي مدار او فرعوني کفري نړۍ فرعوني سياست په وړاندې د شرعي سیاست نوی بحث او سنګر خبرې او عملي کول را پورته کړل.
شیخ صاحب حفظه الله په واضحه توګه د نړۍ فرعوني سياست وننګوی او مسلمه امت ته یې د شرعي سیاست په اړه نوی باب پرانيست.
هغه حفظه الله وړاندې وویل: که چيرې زه د واک او قدرت طلب کوونکی وای، نو ما به هم اختلافات د ولس په مینځ کې را پيدا کول چې په پايله کې د هغوی له اختلافونو په استفادې ما واک چلولی وای او فرعوني سياست ته به مې دوام ورکړی وای، کوم چې په نورې نړۍ کې عملا روان ده، هغه وړاندې ولس ته عام او تام صلاحیت ورکړ چې په اتفاق شي او له دې اتفاق سره ما له واک عزل کړئ زه خوشحاله کیږم او همداسې د اتفاق هيله لرم.
شرعي سیاست ته د عملي بستر د برابرولو لپاره شیخ صاحب حفظه الله عمومي عفوه ترسره کړه او د ننۍ وينا په شمول یې، هر وينا او پيغام کې تر لاس لاندې مسولینو ته ولس سره د نیکې رویې او ښه سلوک امر کړئ ده.
دا په يوويشتمې پېړۍ کې د غربي نړۍ او تمدن او د فرعوني سياست په وړاندې د اسلامي شرعي سیاست د بيا را څرګندېدلو تازه پيل ده، دا پيل او آغاز هيله بښونکی ده او له پیړیو وروسته مسلمان خپل برم ته د ور ګرځيدو په حال کې دي بعون الله تعالی.
د عالقيدر اميرالمؤمنين حفظه الله په عمر کې دې الله تعالی برکت واچوي.