لیکوال: سلمان باور
یادؤنه: په هندوکشغږ کې نشر شوې لیکنې، مقالې او تبصرې یواځې د لیکوالانو نظر څرګندوي، د هندوکشغږ توافق ورسره شرط نه دی.
د جمهوریت له سقوط سره سم د امریکا له لورې د شر او فساد ډلې د روزل شویو لارویو پیلوټانو او جنرالانو لخوا د هېواد څخه ۲۲ باله جنګي جیټ او ۲۴ باله هیلیکوپټر الوتکې ازبکستان ته له ځانه سره وتښتولې.
چې د ټولو الوتکو تخمیني مجموعي قېمت دوه اعشاریه درې میلیارده (دوه زره او درې سوه میلیونه) ډالر کېږي.
تازه په ازبکستان کې د امریکا سفارت خبر ورکړی، چې له ازبکستان هېواد سره یوې ګډې هوکړې ته رسېدلي دي، چې د افغانستان یادې ټولې تښتول شوې الوتکې به ازبکستان هېواد ته ورکړي.
یادې الوتکې د افغانانو سرمایه ده، دا نه د شر او فساد د ډلې چورلکې او الوتکي دي او نه د امریکا او نورو هېوادونو، چې دوی یې نورو هېوادونو ته د ورکړې خبرونه وایي.
له افغانستان څخه د امریکا او د هغوی د روزل شویو د تښتیدلو پر محال په کابل هوایي میدان (صفر یک، دو، KPF) او نورو روزل شویو قطعاتو له لورې د کابل هوایي ډګر د رادار په شمول، ګڼ شمېر الوتکې، موټرې او ان په یو بمي چاودنه کې تر 170 ډېر افغانانو قتل کړل.
چې تاسې یې امریکا او ملګرو د خپلې رسنۍ ازادۍ په دې را پور کې کتلی شئ:
https://pa.azadiradio.com/a/32595352.html
خو د دوی زړونه په هغه وحشتونو او ظلمونو نه دي یخ شوي، تازه یې د ازبکستان او افغانستان په نویو جوړیو شویو اړیکو کې د درز راوستلو په خاطر د افغانانو د ملي شتمنۍ د امریکا په مرسته ازبکستان ته د ور سپارلو هڅې کوي، چې د افغانستان او ازبکستان روغول شوې اړیکې پرې زیانمنې کړي.
د شر او فساد ډله او تمویلونکو یې په افغانستان کې په پوره معنی ماته خوړلې ده چې اوس د خپلې ماتې غچ د افغانانو د سرمایې په لیلامولو اخلي.
امریکا او شریرو ملګرو یې د همدې الوتکو او چورلکو پر توسط په افغانستان کې سلګونه جنایتونه ترسره کړې دي، چې د ټولو قوانینو په بناء یادې الوتکې او چورلکې د افغانانو حق دی او باید افغانانو ته وسپارل شي.