یادؤنه: په هندوکشغږ کې نشر شوې لیکنې، مقالې او تبصرې یواځې د لیکوالانو نظر څرګندوي، د هندوکشغږ توافق ورسره شرط نه دی.
نفسي خواهشاتو ته تسلیمېدل او هغه ټول په ټوله منل د شیطان بنده ګي ده، د شیطان په بنده ګۍ کې ښکېل خلکو په اسلام، وطن او ناموس ټولو سودا وکړه او غربي اشرګر یې د وطن غېږ ته د یو څو بوجیو ډالرو په اخېستلو راوستل.
لومړی د جمهوریت په دایره کې د واکونو پر سر ناندرۍ سره ښکته پورته راغلې، خو بیرته سره جوړ جاړي ته ورسېدل، چې د وخت په تېریدو د شر او فساد لارویانو واک خپل میراثي حق وبللو.
د واک هماغه نشه اوس هم د دوی په سرونو کې ځغلنده مزل کوي، چې د یوې ډلې او فکر خلکو څلور جبهې د خپلو بادارانو د ډاډ په هیله جوړې کړې چې په هر قېمت په افغانستان کې د جګړې غوښتنه کوي.
“د اجیري رسنۍ انټرنیشنل سره په یوه خپرونه کې یوه له کوره او وطن تښتېدلې په ډېره سپین سترګۍ وایي: زمونږ امیدونه اوس د خیالي مقاومتي جبهو له لورې په افغانستان کې جګړې ته دي.
“په همدې خپرونه کې ورسره یوه بله مېلمنه شوې میرمن سخت غبرګون ښیي او ورته په مقابل کې وایي: دلته چې مونږ په دې بحث کې د دې لپاره راټول شوي یو، چې د افغانانو د اوسني وضیعت او لېول مطابق وغږېږو، د جبهو جوړونکي خاینین او وطن بربادونکي دي او په هیڅ صورت به افغان میرمنې د خاینینو سره ونه درېږي.
دلته د خیالي جبهو په اړه د نورو تر څنګ د هېواد هغې میرمنې چې په لوېدلي جمهوریت کې یې دندې هم کړې وې نه درېږي، نور خلک وطنوال خو پرېږدئ!
(د ترسره شوې مرکې د یوې برخې لینک:
https://x.com/divapatang/status/1828325541046587464?s=46)
سره د دې چې له دوی خلک تر وروستي حده کرکه لري، د وطن څخه زرګونه کیلومټره لېرې په امریکا کې د خیالي متحدې جبهې په نوم د فسادیانو د یوې کوچنۍ ډلې مشر په خپلو څرګندونو کې ویلي: که د افغانستان په جګړه کې راسره امریکا مرسته وکړي، د بګرام هوایي اډه به په واک کې ورکړم.
“دا د خندا وړ خبره ده، چې شړل شوې امریکا دې د افغان خلاف جګړې ته بیا زړه را ښه کړي؛ که چېرته کېږي هم نو عقل خو دا وایي چې غلام هیڅ حق نه لري، چې بادار ته دې ووایي: چې دا محدود ځای(بګرام هډه) دې ستا شي.”په ۲۰۱۱ کال کې د امریکا له لورې طیارې ورکول کېدې چې د وخت ولسمشر انکار کاوه چې دا طیارې مونږ نه غواړو!ولسمشر ته د امریکانو ځواب دا و، چې:
(A beggar has no choice!)
(سوالګر د انتخاب حق نه لري.)
https://x.com/SHABIR_AHMAD113/status/1786257551664861436?t=oCkI8O929KHYdzXoS6-IRg&s=19
دوی فقط د خپل کاذب غوور او پریش په کولو سره د بهرنیو استخباراتو او ټولنو پیسې شکوي، تر څو د ځینو وطنوالو ذهنونه مغشوش کړي.
خو دوی په ډېره سپین سترګۍ دا هیروي، چې درې کاله مخکې همدا متحدې خیالي جبهې مشر د هلمند د قول اردو قومندان و، چې په ړنده بمبارۍ او جګړه کې یې د پوهنتون د ودانیو په شمول عامه وګړي په نښه کول او سره د خپل ټول وحشت په تېښته بریالی شو.
د شر او فساد ملګري د شیطان په بنده ګۍ کې د خپل ژوند تضمین ګوري، نو ځکه یې څو لسیزي همدا لار خپله کړې ده؛ خو دا هیروي چې په دې لار او د وطن په بربادیو کې دوی خپل هر څه بایللي دي.