د پرځېدلي جمهوريت لپاره له هېواد بهر هم کرایه شویو فعالانو د افغانستان د وګړو پر خلاف، د ډېرو استخباراتي ادارو په شمول، له پرځېدلي جمهوریت هم پروژې نېولې وې، چې له مخې یې ډېرو خلکو خپل هویت او ارزښتونه تر پښو لاندې کړل.
د دغه ډول وګړو کړۍ که څه هم پراخه وه او شمېر یې خورا ډېر دی، خو له جملې یې مونږ یواځې د عیسی محمدي په نوم کس باندې تم کېږو. عیسی محمدي چې په ټولنیزو رسنیو کې د قاري عیسی په نوم هم پېژندل کېږي، په جرمني کې د ځیرک مبایلونو پلورنځئ لري. د پرځېدلي جمهوریت پر مهال د اشرف غني په غوښتنه، په ټولنیزو رسنیو کې د هغه کمپاینر و، د همدې لپاره ډيري پیسې ورکول کېدې، تر دې چې اشرف غني په ۲۰۱۹م کال کې، په جرمني هېواد کې لېدنه ورسره وکړه.
کله چې جمهوریت له منځه لاړ او اشرف غني له هېواده تېښته وکړه، همدا عیسی محمدي په اشرف غني پسې خوله خلاصه کړه او هغه یې یو خاين او ډارن شخص وباله؛ دا غږ یې د دې لپاره بدرګه کړ، تر څو د شر او فساد په منځ کې ځای پیدا کړي او د خراسان دعوه ګیران یې ورسره ملګری کړي.
د شر او فساد لارویانو چې کله له هېواده بهر د خیالي جبهو د جوړولو اعلان وکړ، عیسی محمدي رابطه ورسره ټینګه کړه، تر څنګ یې ودرېد او د هغوی په صفتونو یې پیل وکړ. ده نه یواځې دا چې د شر او فساد داعیې ته تبلیغ او دلایل تراشل پیل کړه، بلکې بیرته یې د همدې خیالي جبهو په منځ کې د پیسو لپاره د جاسوسۍ دنده هم پر غاړه درلوده؛ چې په دې وروستیو کې یې خبرې افشاء او د خیالي جبهو د پلویانو له سختو غبرګونونو سره مخ شو.
عیسی محمدي د وطندوستۍ تر کاذبو شعارو لاندې د ټولو هغو ډلو تر څنګ په هر وخت کې ولاړ وي، چې د افغانستان د بربادۍ او تجزیې لپاره جوړې شوې وي. نوموړي خپله په یوه لېکنه کې اعتراف کړی، چې د اهل تشیع او سُني تر منځ د تاوتریخوالي او جګړو د پنځولو له پاره ورته ډېر ځل وړاندېزونو شوې دي. یعنې په جرمني کې مېشت عیسی محمدي د بربادونکو پروژو د انکشاف لپاره ښه تبلیغ کوونکی او ارزانه روباټ دی.
عیسی محمدي د پیسو لپاره هر چا ته لاس اوږدوي؛ احمد مسعود ته د دې لپاره ور نږدې شو، تر څو له استخباراتي سازمانونو څخه د اخېستل شویو پروژو په ډالري کڅوړو کې ده ته هم سهم ورکړل شي. د ازادۍ په نوم خیالي جبهې سره هم په همدې هدف ملګری شوی دی، چې پیسې ترې واخلي او د دواړو تر منځ جاسوسي فعالیتونه وکړي.
ځینو ټولنیزو فعالانو وړاندې دا ادعاوې هم کړې وې، چې عیسی محمدي د پخوانیو وکیلانو او چارواکو په نومونو جعلي ادرسونه جوړوي او بیا ترې د خیالي جبهو د ملګرتیا او ملاتړ څرګندونې کوي، تر څو وښیي چې د یادو خیالي جبهو په جوړښت کې دوی هم برخه لري.
وروستيو کشمکشونو او د پیسو پر سر د شریرو او مفسدو افرادو تر منځ مخالفتونه او جنجالونه رسنیو ته راووتل، چې په کې د مقاومت په نوم له خیالي جبهې څخه ډیری خلکو نه يواځې خپل برأت اعلان کړ، بلکې برعکس یې د هغوی پر ضد ډېری رازونه افشاء کړل.
د شر او فساد ډلې له همدې کشمکشونو څخه په ګټې اخیستنې، عیسی محمدي د مقاومت په نوم خیالي جبهې وګړو جلب او جذب د ازادۍ په نوم خیالي جبهې ته کاوه؛ کټ مټ داسې لکه سمیع سادات چې د یوکراین د جګړې له پاره مجبور افغانان پلوري.
د شر او فساد لارویان د خپلو شریرو اهدافو لپاره له دیني او ملي ارزښتونو څخه تېر او د خپلو شیطانو لومو په جال کې نښتي روان دي.
یادؤنه: په هندوکش غږ کې نشر شوې لیکنې، مقالې او تبصرې یواځې د لیکوالانو نظر څرګندوي، د هندوکش غږ توافق ورسره شرط نه دی.