تېر ماښام د ایران د هرمزګان ولایت په «بندر لنګه» ښار کې د استشهادي برید په ترڅ کې د دغه ښار د استخباراتي پولیسو قومندان سید محتبی شهیدي وژل شوی دی.
د معلوماتو له مخې دا برید د بندر لنګه ښار د استخباراتي پولیسو ودانۍ ته څېرمه بندر لنګه زندان ته مخامخ شوې ده چې له امله یې د یاد ښار د استخبارتي پولیسو د قومندانۍ مرستیال هم ټپي شوی.
د ایران د انصارالفرقان اهل سنت وسله والې ډلې د یوې اعلامیې په خپرولو سره د دغه برید مسئوولیت پر غاړه اخیستی او ویلي یې دي چې دا برید یې د مهمو استخباراتي کسانو په نښه کولو په موخه کړی دی. دوی ټینکار چې مونږ ۲۳ ورځې وړاندې ګواښ کړی وو چې زمونږ چوپتیا زمونږ پر ضعف مه تعبیروئ.