د «سياېناېن» خبري شبکې د راپور له مخې، د امریکا د بهرنیو چارو وزیر مارک روبیو خبر ورکړی چې نوموړی، د امريكا د نړيوالې پراختيا ادارې (USAID) د بهرنیو مرستو پر فعالیتونو بیا کتنه کوي.
سرچینې د امریکا د بهرنیو چارو وزارت د خبرپاڼې پر بنسټ لیکلي چې د دغه هېواد د بهرنیو چارو اوسنی وزیر مارک روبیو به د یادې ادارې د مدیر په توګه خپل کار ته دوام ورکړي.
بل خوا یو شمېر نړیوالو رسنیو خبر ورکړی چې، د امریکا نړیوالې پراختیایي ادارې (USAID) کارکوونکو ته ویل شوي، چې د دوشنبې پر ورځ په کورونو کې پاتې شي ځکه چې ایلان مسک ویلي چې نیت لري دغه اداره وتړي.
بل خوا ټرمپ د دغه ادارې د تړل کېدو په تړاو د یکشنبې پر ماښام خبریالانو ته ویلي چې د (USAID) مشري د ده په وینا، «یوه ډله توندلاري لېوني کوي، موږ به یې باسو او بیا به پرېکړه کوو.»
یاده دې وي چې، د دې ادارې رسمي وېبپاڼه دا مهال د لاس رسي وړ نه ده.