د امریکا ولسمشر ډونالډ ترمپ ویلي، چې ډېر ژر به د اوکراین د جګړې پای ته رسولو په موخه د روسیې له ولسمشر ولادمیر پوتین سره وګوري.
ټرمپ چې د موضوع په تړاو یې تېره ورځ یکشنبه خبریالانو ته معلومات ورکول، له پوتین سره یې د لیدنې نېټې او ځای په هکله څه نه دي ویلي، خو دایې ویلي چې پوتین او زیلینسکي دواړه د جګړې بندېدل غواړي.
ټرمپ په ټاکنیزو کمپاینونو کې مخکې ویلي وو، چې د امریکا د جمهور رئیس په توګه د کار له پیلېدو وروسته به د اوکراین جګړه ختموي.