د پرځېدلي جمهوريت د دفاع وزير شاه محمود مياخېل د هرات امنيتي کنفرانس دولسم پړاو ته چې د هسپانيا په مادرید ښار کې ترسره شو، په اشارې ويلي چې ياد کنفرانس قومي او تعصبي بڼه درلوده او اجنډا یې کاملاً د ملي ګټو په خلاف وه.
نوموړي همدا راز په ياد کنفرانس کې د پرځېدلي جمهوريت د ملي امنيت مشر رحمت الله نبيل ګډون ته په غبرګون کې ويلي:«د هرات امنيتي کنفرانس په اړه زما نظر دا دی، چې پروسږ کال چې ما ګډون کړی وو يو شرط یې د ملي سرود مسئاله وه، خو متاسفانه سږ کال پکې ملي سرود نه وو او اجنډا یې هم قومي او تعصبي بڼه درلوده نو بناءً په داسې کنفرانسونو کې له ګډون کولو بايد ډډه وشي».
ياده دې وي چې د هرات امنيتي کنفرانس دولسم پړاو د هسپانیا په مادرید ښار کې ترسره شو، چې ګډونوال د پرځېدلې جمهوري دورې په غلا او فساد ککړې څهرې وې.