د روسیې د بهرنیو چارو وزارت ویاندې ماریا زخارووا ویلي، چې د امریکا ولسمشر ډونالډ ټرمپ په سپینه ماڼۍ کې له ولادیمیر زیلینسکي سره د لفظي شخړې پر مهال له زغمه کار اخیستی او د اوکراین د ولسمشر له وهلو یې ډډه کړې ده.
زاخارووا په خپل ټیلیګرام چینل کې لیکلي: «زما په اند د زیلینسکي ترټولو لوی درواغ په سپینه ماڼۍ کې د هغه دا ادعا وه چې د کییف رژیم په ۲۰۲۲ کې یوازې او بې ملاتړه و.»
د یادونې وړ ده، چې د ټرمپ او زیلینسکي ترمنځ تېره ورځ په سپینه ماڼۍ کې ناسته په لفظي شخړې واوښته. ټرمپ او مرستیال یې زیلینسکي تورن کړ چې د درېیمې نړیوالې جګړې پر سر قمار وهي.