وروسته له هغې چې د ترکیې د حکومت پر وړاندې د جنګېدونکي (PKK) ګوند زنداني مشر عبدالله اوجلان خپلو پلویانو ته د وسلو اېښودو او د ګوند منحلولو امر وکړ، د ترکیې ولسمشر رجب طیب اردوغان ویلي، چې هېواد یې د ترهګرۍ ضد مبارزې نوي پړاو ته داخل شوی او په وینا یې: «مونږ ته یوه تاریخي موقع په لاس راغلې، چې د ترهګرۍ دیوال ونړوو، ملي یووالی پیاوړی او داسې چاپېریال رامنځته کړو، چې هیڅوک په کې له ګډون څخه محروم نشي.»
بل خوا د سوریې ډیموکراتیکو ځواکونو (قسد) مشر مظلوم عبدي ویلي، چې د اوجلان پیغام د (PKK) جنګیالیو ته متوجه دی، نه د سوریې کردانو ته.
د کردستان کارګر ګوند (PKK) له ۱۹۸۰م کال راهیسې د ترکیې دولت پر وړاندې جګړه کوي او تر دې دمه یې لسګونه زره کسان وژل شوي دي.