د کډوالو او بېرته راستنېدونکو چارو وزارت ویلي، دوه تنه افغان کډوال چې په عراق کې بندیان وو، له بنده آزاد او بېرته خپل هېواد ته راستانه شوي دي.
یاد وزارت د نیمروز ولایت د سرحدي آمریت د معلوماتو پر اساس ویلي چې، یادو کسانو څلور میاشتې وړاندې هڅه کوله، چې د ایران له لارې په ناقانونه توګه عراق ته ولاړ شي، خو د عراق پولیسو له لوري نیول شوي وو او درې میاشتې یې د بصرې ښار په زندان کې تېرې کړې وې.
د یاد وزارت په وینا، یاد کسان له خوشې کېدو وروسته، د ایران له لارې افغانستان ته داخل او د بشري مرستو له تر لاسه کولو وروسته، خپلو اصلي مېنو ته لېږدول شوي دي.