د ایران ولسمشر مسعود پزشکيان ویلي، ایران به له امریکا سره تر هغې مذاکرات ونکړي چې تر ګواښ لاندې وي.
مسعود پزشکیان خپل امریکايي سیال، ډونالډ ټرمپ ته د ګواښ په ژبه ویلي:«هر څه چې کولای شې او غواړې یې ویې کړه. دا زموږ لپاره د منلو نه ده، چې امریکا به حکمونه راکوي او ګواښونه کوي».
ياده دې وي، چې تر دې مخکې د ایران مذهبي مشر، ایتالله علي خامنهای، هم وروسته له هغې چې ټرمپ ورته لیک استولی و، ویلي و چې تهران له واشنګټن سره د مذاکراتو وړاندیز ردوي.