د تسنيم خبري اژانس د راپور له مخې، د هند د بهرنيو چارو وزير «سوبرامنيام جيشنکر» په يو لړ مراسمو کې د خبرو پر مهال د افغانستان له سرپرست حکومت سره د هند له اړيکو او تعامل لرلو کلکه دفاع کړې او ويلي یې دي چې، طالبان په افغانستان بشپړ کنټرول لري او هند بايد ورسره اړيکې ولري او مرسته ورسره وکړي.
سرچينه وايي، د هند د بهرنيو چارو وزير زياته کړې چې هېواد یې غواړي د افغانستان له خلکو سره بشري مرستې وکړي او په وينا یې دا کار هغه وخت امکان لري چې، په افغانستان کې له واکمن نظام سره بشپړ تعامل او اړيکې ولرو.
ياده دې وي چې، تر دې وړاندې د هند د بهرنيو چارو وزارت مرستيال ويکرم ميسري هم له مولوي اميرخان متقي سره په خبرو کې د هند او افغانستان ترمنځ په اړيکو او تعامل ټينګار کړی و.