د احصایې او معلوماتو ملي ادارې د یوې خبرپاڼې په خپرولو سره ویلي چې په تېر ۱۴۰۳ لمریز کال کې یې ۳۴ زره او ۵۹۲ بهر مېشتو هېودوالو ته د کاغذي پېژندپاڼو اړوند غیر حضوري خدمتونه وړاندې کړې دي.
د خبرپاڼې له مخې، دې خدمتونو کې ۸ زره او ۳۶۵ کسانو ته په غیر حضوري توګه نوې او ۶ زره او ۷۵۵ کسانو ته په غیر حضوري ډول مثنی پېژند پاڼې وېشل شوې دي.
د یادې ادارې په وینا په ۱۴۰۳ کال کې په کابل ښار کې ۱۱۰ زره او ۵۴۷ هېوادوالو ته په حضوري ډول په کاغذي تذکرو کې د اصلاحاتو راوستو خدمتونه هم وړاندې کړي دي.