دويمه برخه
معرفتپېژندنه
د بغاوت کوونکو له ناوړه پدیدې سره د مبارزې لومړۍ مرحله معرفتپېژندنه ده. د معرفتپېژندنې معنی د اوسنیو بغاوت کوونکو له جوړښت او هستې څخه خبرېدل او د سرپرست حکومت پر وړاندې د دسیسو او توطیو د جوړولو په اړه د هغوی د تشکیلاتو او تنظیمونو په اړه مهم او څرګند معلومات ترلاسه کول دي.
مسلماً تر هغه وخته چې د مقابل لوري د سنګر نیوونکو او د پټو سیالانو په اړه پېژندګلوي نه وي او اصلاً یو مشخص او واضح انځور موجود نه وي، دا داسې ده لکه څوک چې یواځې هوايي ډزې کوي او د خپلې وسلې میل د تیارې په لوري نیسي او د هدف ویشتلو لپاره یې تنظیموي.
نو کله چې موږ غواړو له یوې پدیدې سره مبارزه وکړو او ریښې یې له بیخه وباسو او د وطن خاوره د هغوی له وجود څخه پاکه کړو، د پیل لپاره تر ټولو غوره او لومړنۍ مرحله د هغوی پېژندنه ده.
په ځانګړې توګه د هغو کسانو پېژندنه چې پخوا د واک په ګرم مرکز کې د قوماندې پر څوکۍ ناست وو، خو اوس له دندو ګوښه شوي او په زړونو کې یې عقده او کینه ده او د بېرته راستنېدو لپاره هر ډول بها ورکولو ته چمتو دي.
اوس بغاوتکوونکو په بله بڼه فعالیت پیل کړی دی او د نورو د څهرې د بدولو او د خپلې څهرې د سپینولو لپاره له هرې کمزورې موقع څخه پوره ګټه اخلي، خو بې خبره له دې چې په دې قبر کې مړی نشته او دا چینه له پاسه وچه شوې ده او هره هڅه به یې ناکامه شي.
د دې دوکهبازې او چلبازې ډلې د پېژندلو لپاره استخباراتي کارونو ته اړتیا ده او باید جلا ټیمونه جوړ شي؛ ځکه چې د جګړې په دې اوږدو کلونو کې د هغوی ښکاره کړنو د دوی خیانت او دوکې پټې نه دي پرې ایښي او د دوی ککړ لاسونه ښکاره شوي دي، په اسانۍ سره کېدای شي چې د پلټنې او څېړنې له لارې ملموسو او واقعي پایلو ته ورسېږو.
بیا هم، کله چې دا ډله په نوې تګلاره او نویو تاکتیکونو سره میدان ته راغلې ده او د نورو د حیثیت خرابول غواړي، نو اړتیا ده چې د دوی په اړه یو طرزالعمل په لاس کې واخیستل شي.
باید له سره هڅه وشي او تر څومره ځایه چې کېدای شي د دوی حرکات وڅارل شي. د هغوی د ټولو پټو او ښکاره فعالیتونو په مقابل کې کره کتنه او نقد ولیکل شي او د هغوی د څهرې او نیت پټې زاویې بربنډې کړل شي.
نو کېدای شي داسې ووایو چې په دې محفل کې د ګام اخیستلو لومړی ګام له هغو لارو ننوتل دي چې د هغوی د کارونو د څرنګوالي په اړه کافي معلومات په لاس راکړي او د معلوماتو ترلاسه کولو لارې پرانیزي.
د معرفتپېژندنې لپاره هم ډېرې لارې او طریقې شته او په دې برخه کې په دولتي او ملي آرشیفونو کې کافي سرچینې موندل کېږي. یوازې وخت ورکولو، تفکیک کولو او خالص کولو ته اړتیا ده، ترڅو په پایله کې د بغاوت کوونکو د هویت په اړه یوه لنډیزه، بې له کمښت څخه ټولو ته ښکاره کړي.
یادؤنه: په هندوکشغږ کې نشر شوې لیکنې، مقالې او تبصرې یواځې د لیکوالانو نظر څرګندوي، د هندوکشغږ توافق ورسره شرط نه دی.