د نړيوالو رسنيو د راپورونو پر بنسټ د امریکایي تعرفو د لوړېدو له امله پاکستاني صادراتو ته ۷۰۰ میلیونه ډالر زیان اټکل شوی دی.
د سرچينو په وينا، د امریکا د ولسمشر ډونالډ ټرمپ له خوا په دې ورستيو کې پر پاکستاني صادراتو د ۲۹ سلنې تعرفې لګولو له امله د دغه هېواد صادراتو ته له ۵۰۰ تر ۷۰۰ میلیونه ډالرو پورې د زیان رسېدو اټکل شوی دی.
راپور کې همدا راز ویل شوي چې، د امریکا د ولسمشر دا اقدام به د دغه هېواد د بازارونو د اقتصادي ځوړ لامل شي.