د سرحدونو، قومونو او قبایلو چارو وزارت، د سرپرست حکومت په راتګ سره په ټول هېواد کې د قومي جرګو له لارې د ۱۲۰۰ لویو او ۱۴۵۰ وړو شخړو او دښمنيو د حل خبر ورکړی دی.
د یاد وزارت ویاند له رسنیو سره په خبرو کې ویلي، چې دغه ۲۶۵۰ لویې او وړې شخړې د دیني عالمانو، قومي مشرانو او مخورو په ګډو هڅو په ټول هېواد کې حل شوې دي.
نوموړی وايي، حل شوې شخړې چې د هېواد په بېلابېلو ولایتونو کې د یو شمېر موضوعاتو له امله د هېوادوالو ترمنځ رامنځته شوې وې، چې خلکو ته یې مالي او ځاني زیان اړولی و.
ياده دې وي، چې په دې شخړو او دښمنيو کې په ځينو حتا پېړۍ هم اوښتې وه اوواړو لوريو لسګونه کسان پکې مړه او ټپيان شوي وو.