د امنیتي او تصفیوي چارو د مرکزي کمېسیون نوبتي غونډه د ياد کمېسيون د مسئول او د ملي د فاع وزارت د سرپرست مولوي محمد یعقوب مجاهد په مشرۍ ترسره شوې.
د یاد کمېسیون د خبرپاڼې له مخې په دغه غونډه کې په مهمو امنيتي موضوعاتو د بحث ترڅنګ د هېواد اوسنی امنیتي وضعیت له ارزونې وروسته د ډاډ وړ بلل شوی.
د خبرپاڼې پر دوام راغلي، چې په غونډه کې د هېواد له رسمي پولو او فرضي کرښو سره تړلي موضوعات تر غور لاندې نیول شوي او په پای کې د سرحدي سيمو د لا ښه کنټرول، د سرغړوونکو پر ضد د قوي اقداماتو او د سرحدي همغږۍ د تقویې لپاره په لازمو اقداماتو ټینګار شوی دی.