د افغانستان د سرپرست حکومت رئیسالوزراء ملا محمد حسن اخند د يوې اعلاميې په خپرولو سره په غزه کې د روانې فاجعې غندنه کړې او په دې برخه کې یې د نړيوالې ټولنې ښکېلو خواوو او بشري سازمانونو چوپتيا «دردونکې» بللې ده.
نوموړي وړاندې پر ټولو هېوادونو غږ کړی چې په غزه کې د صهیونیستي رژیم د بریدونو پر وړاندې جدي اقدام وکړي او اجازه ورنه کړي چې دغه بشري ناورین دوام وکړي.
رئیس الوزراء زیاته کړې: «له الله تعالی څخه غواړم چې د دغو بېچاره او مظلومو مسلمانانو نصرت وکړي، اسرائیلي اشغالګر او د هغوی بهرني ملاتړي هلاک، برباد او ذلیله وګرځوي..»