ملي دفاع وزارت وايي، چې د ياد وزارت اړوند د بېلابېلو قول اردوګانو او قطعاتو پنځوس ۵۰ تنه ځوان منسوبین د عبدالله بن مسعود رضي الله عنه د جګړهایزو ګډو زده کړو قوماندانۍ د مخابرې او جمع نظام له مسلکي زده کړو څخه فارغ شول.
فارغ شویو منسوبينو ته د قومندانۍ درستیزوال مولوي شیر احمد محمدي په خپلو خبرو کې ويلي:«نیتونه مو اصلاح کړئ او اسلامي نظام ته خدمت یوازې د الله جل جلاله د رضا لپاره وکړئ. همداراز هڅه وکړئ ترلاسه کړې زده کړې او مهارتونه نورو مجاهدینو ته هم ور زده کړئ.»
د سرچينې په خبره نویو فارغانو د هېواد په هر ګوټ کې د خدمت لپاره چمتووالی ښودلی.