د سرپرست حکومت د ریاستالوزراء اقتصادي مرستیال ملا عبدالغني برادر د یوه لوړپوړي دولتي پلاوي په مشرۍ د ایکو (اقتصادي همکارۍ سازمان) په ۱۷مه سرمشریزه کې د ګډون په موخه اذربایجان ته په رسمي سفر ولاړ.
اقتصادي معاونیت د یوې خبرپاڼې په خپرولو سره ویلي، ټاکل شوې چې ښاغلی برادر به په دې سفر کې د ایکو سازمان د ۱۷مې سرمشریزې په عمومي غونډه کې د ګډون او وینا تر څنګ د اذربایجان هېواد له یو شمېر چارواکو سره د دواړو هېوادونو ترمنځ په بېلابېلو برخو کې د اړیکو د پراختیا په اړه هم ناستې ولري.
د ویلو ده، چې د ایکو (اقتصادي همکارۍ سازمان) ۱۷مه سرمشریزه د دغه سازمان د غړو هېوادونو د ولسمشرانو او لوړپوړو چارواکو په شتون کې د جولای میاشتې په درېیمه او څلورمه نېټه د اذربایجان هېواد په کوربهتوب ترسره کېږي.