د ملګرو ملتونو اړوند کډوالۍ نړیوال سازمان ویلي، چې د سوډان په شمال کې له الفاشر ښار څخه د کډه شویو کسانو شمېر تر یوه میلیون اوښتی دی.
د یاد سازمان په راپور کې ویل شوي، چې له الفاشر ښار او له «زمزم» کمپ څخه شاوخوا ۷۱۸ زره کسان (نږدې ۱۵۵ زره کورنۍ) کډه شوې دي.
همداراز د زمزم کمپ ۹۹ سلنه اوسېدونکي چې شمېر یې نږدې ۴۹۹ زره کسانو ته رسېږي، خپلې مېنې پريښي او ۲۶ بېلابېلو ځایونو ته یې پناه وړې ده.
د یادونې ده، چې سوډان له تېرو شاوخوا دوه کلونو راهیسې له کورنۍ جګړې او سختې قحطۍ سره مخامخ دی، چې له امله یې میلیونونه کسان اغېزمن شوي دي.