د عبدالله بن مسعود رض د جګړهییزو ګډو زده کړو قوماندانۍ د بنسټيزو زده کړو ښوونځي له یوولسمې دورې څخه ۶۰۰ تنه ځوان منسوبين له مسلکي او فکري زدهکړو فارغ شول.
ملي دفاع وزارت وایي، دغو سرتېرو ته د درې میاشتو په لړ کې د تکتیک، جمع نظام، صحیه، د درنو او سپکو اسلحو کارول، چیک پاینټ، تالاشۍ او ګن شمیر نورو برخو کې د مجربو او مسلکي استادانو له لوري زده کړې ورکړل شوي دي.
وزارت زیاتوي، فارغ شویو منسوبینو د هېواد په ګوټ ګوټ کې د اسلامي نظام او خپلو هېوادوالو خدمت ته چمتووالی ښودلی دی.
د یادونې ده، چې تر دې وړاندې هم د ملي دفاع وزارت له اړوند ښوونیزو او روزنیزو مرکزونو زرګونه ځوان سرتېري فارغ او د هېواد بېلابېلو برخو کې پر دندو ګومارل شوي.