دفاع وزارت په یوه خبرپاڼه کې ویلي، چې تېره ورځ د کندهار په سپین بولدک ولسوالۍ کې د پاکستان پوځي رژیم له یوې پوځي پوستې پر افغان لوري ډزې شوې وې، چې په غبرګون کې یاده پوسته د افغان ځواکونو له لوري په نښه او ویجاړه شوه، خو په نښته کې افغان ځواکونو ته هېڅ ډول تلفات او زیان نه دی اوښتی.
وزارت د پاکستاني لوري هغه ادعاوې رد کړې، چې ګواکې په یاده نښته کې افغان ځواکونو ته مرګژوبله اوښتې او ویلي یې دي، چې د پاکستاني لوري خپرېدونکي تبلیغات حقیقت نه لري.