د بهرنیو چارو وزارت د قونسلي چارو رئیس محمد شعیب بریالي د دې وزارت د یو کلنو لاستهراوړنو د تشریح پروګرام کې ویلي، چې بهرنیو چارو وزارت په تېر کال د ۱۷۶ هېوادونو څخه کابو ۲۵۰ زره بهرنیو وګړو لپاره ویزې صادرې کړي دي.
د نوموړي په وینا، د ویزې صدور په برخه کې یاد شمېر د تېرو کلنو په پرتله ۶۰ سلنه زیاتوالی ښیي.
بریالي زیاته کړې، چي بهرنیو چارو وزارت به په نږدې راتلونکي کې د جرمني هېواد په بن ښار کې د پاسپورټ چاپ حوزه له څلور کلن ځنډ وروسته بیا فعاله کړي.